Infos flash

La calandréta chez François l’apiculteur

calandreta chez François l'apiculteur

TOUTES NOS IMAGES >>> CLIQUEZ ICI

Les bambins de la Calandreta ont rendu visite à François l’apiculteur de Villedubert, qui leur a permis la découverte des abeilles, des ruches, de la collecte du miel.  Une matinée qui a captivé les petits bouts et qu’Anaïs, leur maîtresse, nous conte en occitan !

Ostal de Francés e Francesa ALBERT

La vesita dels bucs
En arribar en çò de Francés, los enfants descobriguèron lo bugal. S’arrestèron sul pic per gaitar, observar las abelhas dintrar e sortir dels bucs. Sul la planca d’envòl, se podián véser las butinairas dintrar e sortir amb siá de nectar siá de pollèn. Podiam véser tanben las gardianas a la dintrada que contrarotlavan e verificavan que las butinairas que dintran apartengan plan al buc. Cal saber que se una abelha s’engana e dintra dins lo marrit buc, las gardianas la daissaràn pas dintrar. Empachan tanben los  rosegaires, vèspas e autres insèctes de dintrar.

L’apicultor s’enanèt cambiar e se carguèt una tenguda especiala per se faire pas fissar. Anèt cercar pels enfants un quadre de groüm amb un nombre grand que grand d’abelhas noiricièras dessús. Èra una varietat d’abelhas que son plan pausadas, que se podián véser de prèp : l’abelha « Buckfast ».

L’abelha locala es « l’abelha negra », mai nerviosa que non pas la precedenta.

L’estraccion del mèl
Aprèp aver faita la vesita dels bucs, lo Francés nos menèt véser un buc voide. Nos expliquèt que quand una abelha trapa un camp de flors, per faire conéisser la nòva a las autras, tòrna dins lo buc e fa una dança qu’es diferenta segon se lo camp es al sud, al nòrd…

Francés tornèt mostrar un quadre, emplenat de mèl, que debiá fretar amb un cotèl per dubrir los opercules. Los quadres foguèron meses dins una maquina que, per fòrça centrifuja, fasiá davalar lo mèl al fons.

Aprèp aver fait virar la maquina mantunes còps, los enfants recuperèron de pòts, un per cadun, e anèron un aprèp l’autre emplenar lors aisinas per ba prene a l’ostal.

Un grand mercé al Francés ALBERT e sa dòna, per aver consacrat tant de temps a la Calandreta la Rosèla de Viladubèrt.

Répondre

Votre adresse email ne sera pas publiée. Les champs obligatoires sont marqués d'une étoile *

*

Vous pouvez utiliser ces balises et attributs HTML : <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <strike> <strong>

Revenir en haut de la page